MATUR OG DRYKKUR MATUR OG DRYKKUR er veitingastaður þar sem klassísk íslensk matargerð fær að njóta sín með nútímalegu ívafi.
Frá upphafi höfum við lagt áherslu á að vinna með það sem íslensk náttúra hefur upp á að bjóða — villtar jurtir, ferskt hráefni úr landi og sjó — og leitað innblásturs í gamlar íslenskar uppskriftir úr bókum og handritum. Þær endurtúlkum við á okkar eigin hátt og færum inn í samtímann.
Rætur íslenskrar matarmenningar liggja að stórum hluta hjá konum sem sóttu sér menntun í hússtjórnarskólum landsins og mótuðu grunninn að þeirri matargerð sem við byggjum á í dag.
Sú arfleifð er okkur mikilvæg og endurspeglast í okkar nálgun.
Matur og Drykkur hefur verið í Michelin Guide frá árinu 2017, sem endurspeglar áherslu okkar á gæði, handverk og íslenska matarhefð.
MATUR OG DRYKKUR er rekinn af konum undir stjórn Helgu Haraldsdóttur, matreiðslumeistara. Frá upphafi hefur áherslan verið á að skapa stað þar sem fagmennska, sköpun og ástríða fyrir mat fá að njóta sín.
Við byggjum starfsemi okkar á gildum jafnræðis, virðingar og samvinnu. Við trúum því að fjölbreytileiki sé styrkur og að allir eigi að hafa jafna möguleika til að vaxa og þróast — bæði í eldhúsinu og utan þess.
Markmið okkar er að skapa umhverfi þar sem hæfileikar blómstra, hugmyndir fá rými og fólk vinnur saman af heilindum. þannig verður til upplifun sem endurspeglast í matnum sem við berum fram.